კანცელარიის ჯგუფის უფროსი

ჩვენ ვართ თიბისი:

წამყვანი ფინანსური ინსტიტუტი რეგიონში, სადაც გამბედავი და მიზანსწრაფული გუნდი, ჩვენს მისიას ვასრულებთ და ადამიანების ცხოვრებას ვამარტივებთ. 

ჩვენ ვადგენთ მომსახურების ახალ სტანდარტს მონაცემთა ანალიზის, ხელოვნური ინტელექტისა და ციფრული პროდუქტების გამოყენებით. 

მხარს გიჭერთ განვითარებაში, მიზნების მიღწევასა და შენი წარმატების ისტორიის შექმნაში - მთავარია გჯეროდეს. 

 

პოზიციის მიზანი

სათაო ბანკის კანცელარიის ოპერაციების ეფექტური მართვა, ფოსტისა და ადმინისტრაციული პროცესების გამართული ფუნქციონირების უზრუნველყოფა, მომსახურების ხარისხის გაუმჯობესება და გუნდის კოორდინაცია სხვადასხვა ოფისში.

ძირითადი მოვალეობები და პასუხისმგებლობები:

• კანცელარიის ყოველდღიური ოპერაციების მართვა და პროცესების გამართული ფუნქციონირების უზრუნველყოფა
• გუნდის მართვა და რესურსების გადანაწილება 3 სხვადასხვა ოფისში
• კანცელარიის მენეჯერების მუშაობის მონიტორინგი და ეფექტიანობის გაზრდა
• შემოსული/გასული კორესპონდენციის აღრიცხვისა და კონტროლის უზრუნველყოფა
• საფოსტო მომსახურების პროცესების მართვა (ადგილობრივი და საერთაშორისო)
• ფოსტის ბიუჯეტის დაგეგმვა და ყოველთვიური მონიტორინგი
• სატენდერო პროცესებში მონაწილეობა ფოსტის სერვისებთან დაკავშირებით
• დაკარგული ან დაგვიანებული გზავნილების მართვა და პრობლემების დროული გადაჭრა
• IT და პროგრამულ სისტემებთან (მაგ. TPS, საფოსტო მოდული) მუშაობის კოორდინაცია
• თანამშრომელთა შვებულებების გრაფიკის დაგეგმვა და ოპტიმიზაცია
• თანამშრომლების დროებითი ჩანაცვლება/გადანაწილება საჭიროების შემთხვევაში
• არქივის პროცესების მართვა და დოკუმენტების კონტროლი
• მიმართულებების მხარდაჭერა საფოსტო და საკანცელარიო საკითხებზე
• ბლანკებისა და საკანცელარიო მასალების აღრიცხვა და განაწილება
• წლიური გამოწერების (ჟურნალ-გაზეთები) ორგანიზება
• დამატებითი დავალებების შესრულება ბიზნეს საჭიროებიდან გამომდინარე

Qualifications

საკვალიფიკაციო მოთხოვნები:

• უმაღლესი განათლება
• მსგავს პოზიციაზე მინიმუმ 2 წლიანი გამოცდილება
• სასურველია მენეჯერულ პოზიციაზე მუშაობის გამოცდილება
• ბანკის სტრუქტურისა და პროცესების ცოდნა
• ინგლისური და რუსული ენების სამუშაო დონეზე ცოდნა
• AI ინსტრუმენტებთან და თანამედროვე ტექნოლოგიებთან მუშაობის მზაობა

პიროვნული თვისებები:

• ძლიერი მენეჯერული და ლიდერული უნარები
• პასუხისმგებლობის მაღალი გრძნობა
• გუნდური მუშაობის უნარი
• ეფექტური კომუნიკაცია
• ორგანიზებულობა და დროის მართვა
• სტრესულ გარემოში სწრაფი გადაწყვეტილების მიღების უნარი
• დეტალებზე ორიენტირებულობა

Additional Information

თიბისი, ვაკანსიაზე კანდიდატის შესაბამისობის დადგენის მიზნით, კანდიდატის პერსონალურ მონაცემებს "პერსონალურ მონაცემთა დაცვის შესახებ" საქართველოს კანონის მოთხოვნების შესაბამისად ამუშავებს. ინფორმაცია კანდიდატის შესახებ, ასევე, შეიძლება დამუშავდეს სამომავლო ვაკანსიაზე კანდიდატის შესაბამისობის დადგენის მიზნით. ინფორმაცია კანდიდატის შესახებ ინახება არაუმეტეს 3 წლის ვადით. იმ შემთხვევაში, თუ არ გსურს მონაცემთა შემდგომი დამუშავება და გსურს მონაცემთა ცვლილება ან წაშლა, გთხოვ, მოგვმართე ბმულზე და დაგვიკავშირდი ამავე ბმულზე განთავსებული საკომუნიკაციო არხების საშუალებით: კონფიდენციალურობა - TBC Bank

თიბისი, თქვენს ინფორმაციას თიბისი ჯგუფში (TBC Bank Group PLC) შემავალ კომპანიებსაც უზიარებს. შვილობილი კომპანიებიც უზრუნველყოფენ პერსონალურ მონაცემთა დამუშავებას კანონმდებლობით გათვალისწინებული წესით. იმ შემთხვავაში, თუ არ გსურს მონაცემების თიბისი ჯგუფში შემავალი კომპანიებისთვის გაზიარება, მოგვმართეთ იგივე ბმულზე: კონფიდენციალურობა - TBC Bank

თიბისიში  კანდიდატთა შერჩევის პროცესი “დისკრიმინაციის ყველა ფორმით აღმოფხვრის შესახებ” კანონის მოთხოვნებისა და პირთა მიმართ თანაბარი მოპყრობის პრინციპების შესაბამისია, რაც გამორიცხავს პირთა მიმართ დისკრიმინაციას ნებისმიერი ნიშნით. თუ შენ მიმართ დისკრიმინაციული მოპყრობის ნიშნებს ხედავ, მოგვმართე: 032 2 27 27 27 * 1998; 

დაგიკავშირებით მხოლოდ მათ, ვინც შერჩევის პირველ ეტაპს გაივლის და კანდიდატის სტატუსი მიენიჭება.